Дереккөз: www.24.kz
Маңғыстау облысы Үштаған елді мекеніндегі көшелерге күннен қуат алатын шамдар орнатылды.
Отандық үлгідегі құрылғылар ауыл көшелері мен орталық саябаққа жарық беріп тұр. Осы мақсатқа Ақтөбе ауылдық округі бюджетінен 3 млн теңге бөлінген. Елімізде жасалған инновациялық технология қысқа мерзімде тиімділігін дәлелдеді. Себебі жергілікті әкімдіктің электр қуатын пайдалануға жұмсайтын шығыны бірнеше есе азайған. Енді үнемделген қаржы биыл тағы бір көшеге қондырғы сатып алуға жұмсалмақ.
Жанбибі Молдашова, Ақтөбе ауылдық округінің әкімі:
– 20 дана көше жарығын қойып, тәжірибеден өткізіп жатырмыз. Нәтижесі жақсы. Бір қаржы талап етпейді, қондырғаннан кейін өзі күннен қуат алады. Осымен көше жарықтанады. Сол арқылы үнемдеу, жаңа инновациялық технологияларды шалғай ауылда қолдану арқылы тұрғындарды үлгі алуға шақыру.