Экология, геология және табиғи ресурстар министрі Мағзұм Мырзағалиев Атырау мұнай өндеу зауытында болып, өңірдің экологиясын жақсарту үшін істеліп жатқан жұмыстардың барысымен танысты.

Ақпарат көзі – www.facebook.com/EcologyofKazakhstan

Мәселен, қазіргі зауытта «Тазалық» жобасы іске асырылып жатыр. Ол ағын суларды тазалау, құрылғыларды жаңырту, механикалық тазалау ғимараттары мен ағын сулардың ашық тоғандарының реконструкциясын, “Тухлая балка” булану алаңының рекультивациясын жүзеге асыруды көздейді. Механикалық тазарту ғимараттарының реконструкциясы 2021 жылы аяқталады. Қалған жұмыстар 2023 жылы бітеді деп жоспарланған. Министр жұмысты сапалы орындау қажеттілігін еске салды. Түптеп келгенде өңірдегі эко-жағдай мен жергілікті халықтың өмір сапасы аталған жобаға қатысты болып отыр. Сондай-ақ өңірге жасаған сапары кезінде сала басшысы балық шаруашылығымен айналысатын кәсіпкерлермен кездесіп, шаруалардың ұсыныс-тілектерін тыңдады. Кәсіпкерлер салықтық жеңілдіктер мен субсидиялауды ұсынды. М.Мырзағалиев балық шаруашылығына серпін беретін барлық ұсыныстарды қарауға әзір екенін жеткізді.