Қалдықтардың мемлекеттік кадастры
Қалдықтарыдың мемлекеттiк кадастры, қалдықтарды орналастырудың әрбiр объектiсi (олардың кеңiстiктегi орналасуын көрсете отырып) бойынша геоақпараттық жүйелер, сондай-ақ қалдықтардың түрлерi, олардың шығу көздерi мен физикалық-химиялық қасиеттерi (халыққа және қоршаған ортаға қауiптiлiгi ескерiле отырып), компоненттiк құрамы, сандық және сапалық көрсеткiштерi, оларды сақтаудың, көму мен тастаудың техникалық, гидрогеологиялық және экологиялық шарттары, оларды пайдалану мен залалсыздандыру технологиялары негізiнде жүйелендірілген, кезеңділікпен толықтырылатын және нақтыланатын бiрегей мәлiметтер жиынтығы болып табылады.
2016–2021 жылдар кезеңінде мемлекеттік қалдықтар кадастрын жүргізуді Қазақстан Республикасы Экология және табиғи ресурстар министрлігінің ведомстволық бағыныстағы ұйымы – «Қоршаған ортаны қорғау ақпараттық-талдау орталығы» РМК жүргізді.
Мемлекеттік қалдықтар кадастрын жүргізу нәтижелері бойынша жыл сайын Ақпараттық шолу әзірленді.
2016 жылға ақпараттық шолу
2017 жылға ақпараттық шолу
2018 жылға ақпараттық шолу
2019 жылға ақпараттық шолу
2020 жылға ақпараттық шолу
2021 жылға ақпараттық шолу
Құрметті табиғат пайдаланушылар!
«Қазақстан Республикасының Қоршаған орта және табиғи ресурстардың жай-күйі туралы ұлттық деректер банкі» (НБДСОСиПР) ақпараттық жүйесі коммерциялық пайдалануға енгізілгенін хабарлаймыз.
Жүйені құрудың негізгі мақсаты – мемлекеттің, табиғи ресурстарды пайдаланушылардың және халықтың тиімді өзара іс-қимылы үшін экологиялық қордың барлық инфрақұрылымына «бір терезе» қағидатын қамтамасыз ету.
2025 жылдан бастап мемлекеттік қалдықтар кадастрын қабылдау ndbecology.gov.kz бірыңғай сайты арқылы жүзеге асырылады.