Қазақстан Республикасының
Экология, геология және
табиғи ресурстар министрінің
2020 жылғы 2 маусымдағы
№ 130 Бұйрыққа
9-қосымша

“Экологиялық ақпарат беру” мемлекеттік көрсетілетін қызмет қағидалары

1-тарау. Жалпы ережелер

  1. Осы “Экологиялық ақпарат беру” мемлекеттік көрсетілетін қызмет қағидалары (бұдан әрі – Қағидалар) Қазақстан Республикасының 2013 жылғы 15 сәуірдегі “Мемлекеттік көрсетілетін қызметтер туралы” заңының 10-бабы, 1) тармақшасына (бұдан әрі – Заң) сәйкес әзірленді және “Экологиялық ақпарат беру” (бұдан әрі -мемлекеттік қызмет) мемлекеттік қызметті көрсету тәртібін айқындайды.
  2. Мемлекеттік қызмет Қазақстан Республикасы Экология, геология және табиғи ресурстар министрлігі “Қоршаған ортаны қорғаудың ақпараттық-талдау орталығы” шаруашылық жүргізу құқығындағы Республикалық мемлекеттік кәсіпорнымен (бұдан әрі – қызмет беруші) көрсетіледі.
  3. Қызмет заңды және жеке тұлғаларға көрсетіледі (бұдан әрі – қызмет алушы)

2-тарау. Мемлекеттік қызметті көрсету тәртібі

  1. Мемлекеттік қызметті алу үшін қызмет алушы “электронды үкімет” www.egov.kz (бұдан әрі – портал) порталы арқылы қызмет берушіге осы Қағиданың 1-қосымшасына сәйкес нысан бойынша экологиялық ақпаратты алуға өтініш береді.

      Мемлекеттік қызметті көрсету (әрекет) негіздемесі болып осы Қағиданың 2-қосымшасының 8-тармағында көрсетілген құжаттардың қосымшасымен қызмет алушының арызы болып табылады.

       Көрсетілетін қызметті алушы мемлекеттік қызметтерді көрсету кезінде егер Қазақстан Республикасының заңдарында өзгеше көзделмесе “Қазақстан Республикасының 1999 жылғы 15 наурыздағы “Мемлекеттік құпиялар туралы” заңына сәйкес ақпараттық жүйелерде қамтылған, заңмен қорғалатын құпияны құрайтын мәліметтерді алуға келісімін береді.

       Мемлекеттік қызметті көрсетудің негізі талаптары, үрдістің сипаттамасы, құрылымы, мазмұны және қызмет нәтижесі мемлекеттік қызметті көрсетудің негізгі талаптары тізбесінде, сонымен қатар осы Қағиданың 2-қосымшасы нысанында “Экологиялық ақпаратты беру” мемлекеттік қызметтер стандартында мемлекеттік қызметтерді ұсыну ерекшелігі есебімен өзге мәліметтер баяндалған.

  1. Мемлекеттік көрсетілетін қызмет процесінде көрсетілетін қызмет берушінің құрылымдық бөлімшелерінің (қызметкер) өзара іс-қимылының сипаттамасы:

      портал арқылы өтініш түскен күні Қызмет беруші қызметкері 20 (жиырма) минут ішінде оларды қабылдайды және тіркейді (егер 18.30-дан кейін келіп түссе, өтініш келесі жұмыс күні тіркеледі);

      орындаушы 5 сағаттың ішінде қызмет берушінің сайтында орналастырылған Мемлекеттік экологиялық ақпарат қорының базасындағы реестрлік кітабтарынан сұратылған ақпараттың болуын тексереді және мемлекеттік қызметті көрсету нәтижесін дайындайды;

      20 (жиырма) минут ішінде бөлімше басшысымен мемлекеттік қызметтер көрсету нәтижесі келісіледі;

      Орындаушы мемлекеттік қызметтер нәтижесін портал арқылы қызмет алушыға жібереді.

      Портал арқылы өтініш берген кезде қызмет алушының “Жеке кабинетіне” мемлекеттік қызмет көрсетуге сұрау салуды қабылдау туралы, сонымен қатар мемлекеттік қызметтің нәтижесін алу уақыты мен күні көрсетілген хабарлама жіберіледі;

      Порталда мемлекеттік қызмет көрсету нәтижесі көрсетілетін қызметті берушінің уәкілетті адамының ЭЦҚ қойылған электрондық құжат нысанында көрсетілетін қызметті алушының “жеке кабинетіне” жолданады және сақталады;

  1. Мемлекеттік қызметті көрсетуден бас тартуға “Ақпаратқа кіру, шешімдер қабылдау процесіне жұртшылықтың қатысуы және қоршаған ортаға қатысты мәселелер бойынша сот әділдігіне қол жеткізу туралы конвенцияны бекіту туралы” 2000 жылғы 23 қазандағы Қазақстан Республикасы Заңының 4-бабының 3 және 4-тармақтарына сәйкес негіз болып табылады:

      1) өтiнiш жiберiлген көрсетілген қызметті берушіге сұрау салынған экологиялық ақпараттың болмаса;

      2) өтініш айқын негізсіз болуы немесе тым жалпылама түрде тұжырымдалуы;

      3) өтініш әзірлеудің ақырғы кезеңінде немесе мемлекеттік органдардың ішкі хат жазысуларында және олардың арасында тұрған, ұлттық заңнамада немесе қалыптасқан практикада мұндай жағдай көзделген материалдарға қатысты болса, экологиялық ақпарат беру туралы өтініштен бас тартылуы мүмкін, бұл орайда жұртшылықтың мұндай ақпарат алуға мүдделілігі ескеріледі;

      4) мұндай ақпаратты жария ету мыналарға:

      құпиялылық ұлттық заңнамамен қарастырылған кездегі, мемлекеттік органдар жұмысының құпиялылығына;

      халықаралық қатынастарға, ұлттық қорғанысқа немесе мемлекеттік қауіпсіздікке;

      сот әділдігін жасауға, адамдарға әділетті сот тергеуін жүргізу мүмкіндігіне немесе органдардың қылмыстық немесе тәртіптік сипаттағы тергеу жүргізу қабілетіне;

      заңды экономикалық мүдделерді қорғау мақсатында коммерциялық және өнеркәсіптік ақпараттың жасырылуына. Бұл шеңберде қоршаған ортаны қорғауға қатысты шығарындылар туралы ақпарат ашып көрсетілуі тиіс;

      зияткерлік меншік құқықтарына.

      ұлттық заңнама ережелеріне сәйкес жұртшылыққа мұндай ақпарат беруге тиісті адам келісім бермеген кезде жеке адамға қатысты жеке деректердің және/немесе мұрағаттардың құпиялылығына;

      егер бұл тарап бұлайша әрекет жасауға құқықтық міндеттемемен байланысты болмаса немесе егер бұл тарапқа мұндай міндеттеме жүктелуі мүмкін болмаса және бұл тарап материалды жария етуге келісім бермесе, сұрау салынған ақпаратты берген үшінші тараптың мүдделеріне;

      осы ақпартат қоршаған ортаға, мысалы, сирек кездесетін түрлердің өсіп-өнетін орындарынатеріс әсер етеді.

  1. Қызмет беруші Заңның 5-бабы 2-тармағының 11) тармақшасына сәйкес ақпараттандыру саласындағы уәкілетті орган белгілеген тәртіппен мемлекеттік қызметтерді көрсету сатысы туралы мемлекеттік қызмет көрсетуді бақылаудың ақпараттық жүйесіне деректердің енгізілуін қамтамасыз етеді.

3-тарау. Қызмет берушілердің және (немесе) олардың лауазымдық тұлғаларыныңмемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

  1. Мемлекеттік қызмет көрсету бойынша қызмет берушілердің қызметкерлерінің әрекеттеріне (әрекетсіздіктеріне) шағым Қағиданың 2-қосымшасының 7-тармағында көрсетілген мекенжайға қызмет берушінің басшысының атына жазылады.

      Шағым жазбаша түрде пошта, портал немесе қолма қол қызмет берушінің кеңсесі арқылы жұмыс күндері жүргізіледі.

      Шағымда:

      1) Жеке тұлғалар – тегі, аты, әкесінің аты (бар болған жағдайда), пошталық мекен-жайы, байланыс телефоны;

      2) Заңды тұлғалар – атауы, пошталық мекен-жайы, шығыс нөмірі және күні көрсетіледі. Жолдауға қызмет алушы қол қояды.

      Қызмет берушінің кеңсесінде тіркеу (мөр, кіріс нөмірі және күні) шағымның қабылданғанын растау болып табылады, қабылдау құжатына кеңсе қызметкерінің тегі, аты-жөні, қабылдау күні және жауабын алу мерзімі мен орны көрсетіледі.

      Портал арқылы шағымданған жағдайда шағымдану тәртібі жайлы ақпаратты Бірыңғай байланыс орталығына келесі нөмірлерге хабарласу арқылы 1414, 8 800 080 7777 білуге болады.

      Портал арқылы электрондық өтініш түскен жағдайда қызмет алушы “жеке кабинеттен” шағымның қаралу барысы туралы ақпаратқа қол жеткізе алады, оны қызмет беруші жаңартады (жеткізілім, тіркеу, орындау туралы хабарлама, шағымды қарауға қабылдаудан бас тарту туралы ескертпелер).

       Қызмет берушінің мекенжайына келіп түскен қызмет алушының шағымы Заңның 25-бабы 2-тармағына сәйкес тіркелген күнінен бастап бес жұмыс күні ішінде қарауға жатады.

      Шағымды қарау нәтижелері бойынша дәлелді жауап көрсетілетін қызметті алушыға портал, пошта арқылы жіберіледі не көрсетілетін қызметті берушінің кеңсесінде қолма-қол беріледі.

      Көрсетілген мемлекеттік қызмет нәтижелерімен келіспеген жағдайда, қызмет алушы мемлекеттік қызмет көрсету сапасын бағалау және бақылау жөніндегі уәкілетті органға шағыммен жүгіне алады.

      Мемлекеттік көрсетілетін қызмет сапасын бағалау және бақылау жөніндегі уәкілетті органның мекенжайына келіп түскен қызмет алушының шағымы тіркелген күнінен бастап 15 (он бес) жұмыс күні ішінде қарастыруға жатады.

  1. Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы Қазақстан Республикасының Заңының 6) тармақшасы 1 тармағы 4 бабына сәйкес белгіленген тәртіппен сотқа жүгіне алады.

4-тарау. Мемлекеттік қызметтерді көрсету ерекшеліктеріне байланысты басқа талаптар

  1. Қызмет алушы мемлекеттік қызметті көрсету тәртібі мен жағдайы жайлы ақпаратты қашықтық қатынау арқылы порталда “жеке кабинеттен” және де мемлекеттік қызмет көрсету сұрақтары бойынша бірыңғай байланыс орталығы арқылы алуға мүмкіндігі бар;
  2. Мемлекеттік қызметті көрсету сұрақтары бойынша анықтама қызметтерінің байланыс телефондары: Бірыңғай байланыс орталығы: 1414, 8 800 080 7777.

 

Экологиялық ақпарат беру”
мемлекеттік көрсетілетін
қызмет Қағидасына
1-қосымша
Нысан

“Қоршаған ортаны қорғаудың
ақпараттық-талдау орталығы”
шаруашылық жүргізу
құқығындағы
Республикалық мемлекеттік
кәсіпорнының Бас директорына
___________________________
(Аты-жөні)
___________________________
(тегі, аты-жөні және әкесінің аты
(бар болған жағдайда),
заңды тұлға берген жағдайда
атауын көрсету қажет)
ЖСН/БСН __________________
Мекенжайы ________________
Телефоны __________________

 Экологиялық ақпаратты беру туралы өтініш

       Мынадай экологиялық ақпаратты беруді сұраймын:

      ________________________________________________________________________________

      ________________________________________________________________________________

 

 

 

 

 

 

 

 

 

 

 

 

 

 

 

 

 

 

Экологиялық ақпарат беру”
мемлекеттік көрсетілетін
қызмет Қағидасына
2-қосымша
“Экологиялық ақпарат беру” мемлекеттік қызметінің стандарты
1 Қызмет берушінің атауы Қазақстан Республикасы Экология, геология және табиғи ресурстар министрлігі “Қоршаған ортаны қорғаудың ақпараттық-талдау орталығы” республикалық мемлекеттік кәсіпорны.
2 Мемлекеттік көрсетілетін кызмет тәсілдері (арналарға қол жетімділік ) “Электрондық үкімет” веб порталы www.egov.kz арқылы жүргізіледі.
3 Мемлекеттік көрсетілетін қызмет мерзімі 1 (бір) жұмыс күні ішінде
4 Мемлекеттік көрсетілетін қызмет нысаны Электронды (толығымен автоматтандырылған)
5 Мемлекеттік көрсетілетін қызмет нәтижесі Мемлекеттік көрсетілетінқызмет нәтижесі экологиялық ақпарат немесе мемлекеттік көрсетілетін қызметтен бас тарту туралы осы стандарттың 9 тармағындағы жағдайларға сәйкес дәделді жауап осы.
6  Мемлекеттік қызметті көрсету кезінде қызмет алушыдан алынатын төлем
мөлшері және Қазақстан Республикасының заңнамасында көзделген жағдайларда олады алу тәсілдері		 Мемлекеттік қызмет заңды және жеке тұлғаларға тегін көрсетіледі.
7 Жұмыс кестесі  Портал – жөндеу жұмыстарын жүргізуге байланысты техникалық үзілістерді қоспағанда (тәулік бойы көрсетілетін қызметті алушы жұмыс уақыты аяқталғанан кейін, демалыс және жұмыс күндері жүгінген кезде Қазақстан Республикасының 2015 жылғы 23 қарашадағы Еңбек кодексіне сәйкес өтінішті қабылдау және мемлекеттік қызметті көрсету нәтижесін ұсыну келесі жұмыс күнінде жүзеге асырылады.
Мемлекеттік көрсетілетін қызмет мекенжайлары келесі жерлерде көрсетілген:
1) министрліктің www.ecogeo.gov.kz интернет ресурсында – “Мемлекеттік қызмет” бөлімінде;
2) қызмет берушінің www.ecogosfond.kz интернет ресурсында – “Мемлекеттік қызмет” бөлімінде;
8 Мемлекеттік көрсеттілетін қызметке қажетті құжаттар тізімі  Қызметті алушының электрондық цифрлық қолтаңбасымен немесе бір рет пайдаланатын құпия сөзбен куәландырылған, көрсетілетін қызметті алушының ұялы байланыс операторы ұсынған абоненттік нөмірі порталдың есеп жазбасына тіркелген және қосылған жағдайда, электрондық құжат нысанындағы бойынша экологиялық ақпаратты беру туралы өтініш.
9 Қазақстан Республикасының заңнамасында белгіленген мемлекеттік қызметті көрсетуге бас тарту негіздері  “Ақпаратқа кіру, шешімдер қабылдау процесіне жұртшылықтың қатысуы және қоршаған ортаға қатысты мәселелер бойынша сот әділдігіне қол жеткізу туралы конвенцияны бекіту туралы” 2000 жылғы 23 қазандағы Қазақстан Республикасы Заңының 4-бабының 3 және 4-тармақтарына сәйкес:
1) өтiнiш жiберiлген көрсетілген қызметті берушіге сұрау салынған экологиялық ақпараттың болмаса;
2) өтініш айқын негізсіз болуы немесе тым жалпылама түрде тұжырымдалуы;
3) өтініш әзірлеудің ақырғы кезеңінде немесе мемлекеттік органдардың ішкі хат алмасуларында және олардың арасында тұрған, ұлттық заңнамада немесе қалыптасқан практикада мұндай жағдай көзделген материалдарға қатысты болса, экологиялық ақпарат беру туралы өтініштен бас тартылуы мүмкін, бұл орайда жұртшылықтың мұндай ақпарат алуға мүдделілігі ескеріледі;
4) мұндай ақпаратты жария ету теріс әсерін тигізуі мүмкін:
ұлттық заңнамамен қарастырылған кездегі, мемлекеттік органдардың жұмысының құпиялылығына;
халықаралық қатынастарға, ұлттық қорғанысқа немесе мемлекеттік қауіпсіздікке;
сот әділдігін жасауға, адамдарға әділетті сот тергеуін жүргізу мүмкіндігіне немесе органдардың қылмыстық немесе тәртіптік сипаттағы тергеу жүргізу қабілетіне;
заңды экономикалық мүдделерді қорғау мақсатында коммерциялық және өнеркәсіптік ақпараттың жасырылуына. Бұл шеңберде қоршаған ортаны қорғауға қатысты шығарындылар туралы ақпарат ашып көрсетілуі тиіс;
зияткерлік меншік құқықтарына;
ұлттық заңнама ережелеріне сәйкес жұртшылыққа мұндай ақпарат беруге өкілетті тұлға келісім бермеген кезде жеке тұлғаға қатысты жеке деректердің және/немесе мұрағаттардың құпиялылығына;
егер бұл тарап бұлайша әрекет жасауға құқықтық міндеттемемен байланысты болмаса немесе егер бұл тарапқа мұндай міндеттеме жүктелуі мүмкін болмаса және бұл тарап материалды жария етуге келісім бермесе, сұрау салынған ақпаратты берген үшінші тараптың мүдделеріне;
осы ақпарат қоршаған ортаға, мысалы, сирек кездесетін түрлердің өсіп-өнетін орындарына теріс әсер етеді.