Дерек көз – gov.kz
Өңірлердегі экологиялық жағдайды жақсарту мақсатында 17 жол картасы бекітілді. Бұл туралы экология министрі Мағзұм Мырзағалиев халыққа есеп беру кездесуінде айтты. Жол карталарында одан әрі газдандыру, қоғамдық көлікті газ отынына көшіру, қалаларды көгалдандыру және т. б. шаралар қарастырылған.
«Оларды іске асыру қалдықтарды өңдеу деңгейін қазіргі 18% -дан 30% -ға дейін жеткізуге, қатты тұрмыстық қалдықтарға арналған 24 жаңа полигондар салуға, тарихи ластанған жерлерді қалпына келтіруге және жоюға, 7 жаңа құрылыс салуға және 12 канализациялық тазарту кешендерін қайта құруға және т.б. мүмкіндік береді. Жалпы алғанда елде 485 шараның жүзеге асырылуы қарастырылған. 1 тоқсанның соңында біз жол карталарын іске асыру барысы туралы халықпен кездесулер өткіздік. Талдау көрсеткендей, биылғы жылдың бірінші тоқсанында 70 шара қарастырылған, оның 42-сі аяқталды», – деді Мағзұм Мырзағалиев.
Экологиялық мониторинг қорытындысы бойынша Теміртау, Нұр-Сұлтан, Алматы, Ақтөбе, Атырау, Өскемен, Қарағанды, Балқаш, Жезқазған, Шымкент қалаларында атмосфералық ауаның ластану деңгейі жоғары. Ластаушы заттар шығарындылары мен төгінділерінің 2020 жылғы көрсеткіші 2019 жылғы көрсеткішке ұқсас, яғни көлемі 2,5 млн.тоннаны, төгінділер – 1,1 млн. тоннаны құрады.
«Қалалардағы ауаның ластануы мәселелерін шешу үшін біздің қатысуымыздың арқасында бірқатар компаниялардың ластаушы заттар шығарындыларын азайту туралы келісімдер жасалды. Осылайша, Алматыда 2 және 3-ЖЭО жаңарту туралы шешім қабылданды. Қарағанды облысында қол қойылған меморандумға сәйкес, «АрселорМиттал Теміртау» АҚ 2025 жылға дейін атмосфераға шығарындыларды 30% төмендетуге міндеттенеді және Теміртау қаласының айналасында 500 мың ағаш отырғызылады».