https://www.gov.kz/memleket/entities/ecogeo/press/news/details/952631?lang=kk
ҚР Экология және табиғи ресурстар вице-министрі Мансұр Ошурбаев Бас директордың орынбасары – ФАО-ның Еуропа және Орталық Азия бойынша өңірлік өкілі Виорел Гуцу мырзамен кездесті. Кездесу барысында тараптар табиғи ресурстарды тұрақты басқару, орман экожүйелерін қалпына келтіру, қалдықтарды басқару және климаттың өзгеруі мәселелерін талқылады.
Екі мәселеге ерекше назар аударылды – бірінші ескірген пестицидтерге түгендеу, мониторинг жүргізу және оларды жою жөніндегі бірлескен жобаны іске асыру, екіншісі олардың қоршаған ортаға және халықтың денсаулығына кері әсерін болдырмау үшін қабылданатын шараларға.
Сонымен қатар Мансұр Ошурбаев ФАО-мен ормандарды қалпына келтіру бойынша жүргізіліп жатқан жұмыстардың маңыздылығын атап өтті.
«Мемлекет басшысы 2027 жылға дейін 2 млрд. ағаш отырғызу міндетін қойғаны белгілі. 2021 жылдан бастап республика бойынша 1,1 млрд. ағаш отырғызылды, ал елді мекендерде азаматтар үшін қолайлы жағдай жасау үшін 15 млн. ағаш отырғызылады.
Айта кету керек, тәуелсіздік жылдары республиканың орман қорының ауданы 6,9 млн. гектарға (25%) ұлғайды.
Қазіргі таңдағы мақсатымыз ормандарды сақтау және жаңаларын құру, сондай-ақ қалалар мен елді мекендерді көгалдандыру. Бұл жерде ФАО-ның қолдауы маңызды», -деп атап өтті вице-министр.
Сондай-ақ, қазақстандық тарап Арал теңізінің құрғаған табанында (ОДАМ) сексеуіл егілген алаң 670 мың гектардан асатын атап өтіп, ФАО-ға көгалдандыру жұмыстарын жүргізу бойынша ынтымақтастықты ұсынды.
М.Ошурбаев ФАО-ға ауыл шаруашылығы, орман шаруашылығы және жер пайдаланудың басқа да түрлері секторында Қазақстанның ұлттық деңгейде айқындалатын салымдарын (ОНУВ) әзірлеуге көрсеткен көмегі үшін ризашылығын білдірді.
Министрліктің 2026 жылы Қазақстанда өңірлік Климаттық саммит өткізуге дайындық шеңберінде жүргізіп жатқан жұмысы туралы айта келе, вице-министр ФАО-ны ағымдағы жылдың 13 наурызында Алматыда өтетін бірінші өңірлік консультацияға қатысуға шақырды.
«Бірлескен жобаларды іске асыру, азық-түлік қауіпсіздігін арттыруға ғана емес, сонымен қатар тұрақты даму мақсаттарына қол жеткізуге көмектесетін табиғи капиталды сақтауға да ықпал етеді.
Осыған орай, біз қазіргі заманғы экологиялық сын-тегеуріндерге табысты бейімделу және Қазақстан мен бүкіл өңір үшін тұрақты болашақты қамтамасыз ету жолында бірлескен әріптестігімізді одан әрі нығайтуға мүдделіміз», – деп атап өтті кездесу соңында М.Ошурбаев.