Қазақстан Республикасы Экология және табиғи ресуртар министрлігі ресми сайтында https://www.gov.kz/memleket/entities/ecogeo/press/news/details/1241792?lang=kk
2026 жылдың 15 маусымында Шымкентте Экология комитетінің аумақтық департаменттерінің зертханалық және аналитикалық бақылау бөлімдерінің сынақ зертханасы қызметкерлерінің біліктілігін арттыруға арналған бес күндік семинар басталды.
Оқыту іс-шарасының тақырыбы «ГОСТ ISO/IEC 17025 талаптарына сәйкес су сынамасын алу сапасын қамтамасыз ету» болды.
Семинардың негізгі мақсаты – су сынамаларын алу және талдау, өлшеу сапасын қамтамасыз ету және сынақ зертханаларына қойылатын халықаралық талаптарға сәйкестік саласындағы мамандардың кәсіби құзыреттілігін арттыру.
Бағдарлама аясында қатысушылар табиғи және ағынды сулардың сынамаларын алудың заманауи тәсілдерін, оларды сақтау және тасымалдауды, физика-химиялық параметрлерді анықтау әдістерін, спектрофотометриялық және рентгендік флуоресценциялық зерттеулерді, сондай-ақ өлшеу сапасын бақылау мен зертханалық құжаттаманың практикалық аспектілерін зерттейді. Заманауи зертханалық жабдықтарды пайдаланатын практикалық жаттығуларға ерекше назар аударылады.
Семинарға 20 аумақтық қоршаған ортаны қорғау департаментінің қызметкерлері қатысуда. Комитет пен қоршаған ортаны қорғау департаменттерінің тәжірибелі мамандары дәріс оқиды.
Мұндай оқыту іс-шараларын өткізу қоршаған орта жағдайын зертханалық және аналитикалық бақылау сапасын жақсартуға, мамандардың кәсіби әлеуетін дамытуға және Қазақстан Республикасында қоршаған ортаны бақылауға бірыңғай әдіснамалық тәсілді нығайтуға көмектеседі.